एकमेकांमध्ये गुंतणं वगैरे बोलायला किंवा ऐकायला बरं वाटतं.
मलाही आवडेलच कुणामध्ये तरी गुंतायला.
पण, समोरच्याची कुवत बघून हा निर्णय घ्यावा लागतो, हे विसरु नको. गैरसमज करून घेऊ नकोस. तू खरंच हुशार आहेस. विचारी आणि तितकाच मनमिळावूही. पण, माझं तुझ्यात गुंतणं तुला झेपेल काय रे?
एकमेकांचं होण्यासाठी व्यक्तिमत्वापेक्षा समोरच्याचं अवकाश बघता आलं पाहिजे. ते एकदा दिसलं की त्याचा आवाका लक्षात येतो. आणि तो एकदा लक्षात आला की मग मत-मतांतरं, स्वभाव, वृत्ती अशा सगळ्या ‘इतर’ गोष्टी गळून पडतात.
बऱ्याच लोकांना हे अवकाश दिसतच नाही रे.
मला तुझं अवकाश गवसलंय. तुला सापडेल काय रे माझं??
सापडलंच जरी, तरी मला सांगू मात्र नकोस. तुझ्या वागण्यातूनच जाणवेल मला ते.
गुंतणं त्यानंतर येतं.
............................ पुस्तकातून.