साखरझोप

माझ्या समाधानात
तुझ्या आनंदात
माझ्या नैराश्यात
तुझ्या दुःखात
आपल्याला आपण दिसत नाही
आपल्याला आपण आठवत नाही. 

आता दोघादरम्यान आहे
अदृश्य काही
निरूपद्रवी असे फक्त.

एकमेकांच्या तळहाताची ओजळ
झाली आहे कधीच रीती.
आता उरला हाती आहे
काही जुन्या
काही उण्या क्षणांचा प्याला केवळ

या प्यालाचा घोट होणे नाही.
इथे उरते फ़क्त बाष्प प्रीतीचे. 

हळूहळू साखरझोपेत
स्वप्नेही पडतात ती सांजवेळचीच.

निरभ्र आकाश ढगाळते आहे..
दूर सूर्य मा!वळतो आहे..
डोळा मिटतो आहे,
हात सुटतो आहे अशी.. 

मिटतो डोळा मिटू दे
सुटला हात सुटु दे
आठवणीची ही पीड़ा
चितेवर चढूं दे!
..............................................पुस्तकातून